甕 缸 裡 的 泡 菜

神啊！救救我吧。

當一個人睡得正熟的時候，被一個電話莫名驚醒相信誰都不會有太好的心情。

今朝六點幾先去瞓，唔夠十點八婆珊就打電話黎，聲衰衰咁同報料，叫我估下邊
個調黎我地總公司呢邊？

我大約有三秒鐘腦海程現真空狀態，阿姑啊…你晨雞咁早打黎問我邊個調去總公司？我Q知咩…
但是…三秒過後，我的大腦開始運作…心想…不會吧…不會是他吧？神啊！千萬別要是他。

唔使我開口答，八婆珊已經自動自覺報料，正正是我最最最唔想再見到o個。

八婆珊報完料之後，繼續用佢把賤賤格格架聲線想八掛下我知道消息後的反應…
我當然唔會比佢得程，詐詐埭話我仲要繼續瞓就收左佢線，

唉…仲邊鬼會瞓得著呀…天啊！你不用這樣玩我吧？我避他避到連msn都封了他，連他 send 比我的 e貓我都沒有打開黎睇，兼且將佢個e貓地址當成垃圾郵件處理。電話沒來電顯示的一律不接聽。


幸好因為我調回香港後就去左唔同部門，所以絕對唔會有公事上的接觸，以為可以安安樂樂避開到佢…唉…

我的惡夢又要再黎一次？不要吧！我真係一D都唔想係十年後上「尋找他鄉的故事」，我對德國沒興趣，
我對德國咸豬手都冇興趣，對你更加更加沒興趣，你搵個第二個對你有興趣的人吧！放過我好嗎？